Kuresh Olmeydu

In memoriam of Kurash Kusen Kuresh Sultan Kurash Kosen Uyghur Uighur East Turkistan

Talap Ketti

Bayliqimdin körenglisem manga xeqler qarap ketti,
“Gomüsh” digen leqemmu hem el ichige tarap ketti,
Wijdanimni yastuq qilip yatiwerdim, ghem qilmidim,
Mana emdi xitaylar kilip bayliqimni talap ketti.“Ongchi” didi, “solchi” didi rijim bilen qisiwerdi,
Heq sözligen tillirimni “bölgünchi” dep kisiwerdi,
Ghalip yenggen tariximni “teslimchi” dep yaziwerdi,
Kürminglighan yigitlerni turmilargha solap ketti.

Bayliqim jiq, ucham yiling, qosaqmu hich toymay ötti,
Quldek yashap dadammu hem birer qoyni soymay ötti,
Öz yurtumda tilemchimen yanchuqummu tolmay ötti,
Yawuz xitay bayliqimni achközlerche bulap ketti.

Namaznimu partiye, dep oqu, dise maqul didim,
Heqni bilmey qérindashni choqu, dise maqul didim,
Sepsetini heqiqet dep toqu, dise maqul didim,
Munapiqlar wijdan sétip, texsilerni yalap ketti.

Elmisaqtin mal igisi bop qalghinim yaman boldi,
Derdimge hich derman yoqtur renggi-rohim saman boldi,
Qérindashlar wapasizken xitaygha ong zaman boldi,
Shunga xitay rochiwindek madarimni shorap ketti.

Heq sözligen gunahsizni qatar tizip atiwerdi,
Xelqimmu hich ghelwe qilmay “tinch-ittipaq” yatiwerdi,
Ghalchilarmu bosh kelmidi imanini satiwerdi,
Mana xitay chümülidek etrapni liq orap ketti.

Aqqun bolup kiliwerse “boldi bes!”dep “yaq” dimestin,
Süküt qildim, insap tilep, wijdanimni aqlimastin,
Xorlan’ghan bu imanimni jahat qilip saplimastin,
Qanlar töküp tikligen kök bayriqim ghulap ketti.

Ghalibiyet naxshiliri jengler bilen yézilghan,
Jeng pilani jenggahta qanlar bilen sizilghan,
Jengde öre turghanlar qan üstige tizilghan,
Xenjer bilen chiqayli tiz janmu uprap, xorap ketti.

2005- yili 5- ayning 24- küni Shiwétsiye

Leave a Reply

You must be logged in to post a comment.