Kuresh Olmeydu

In memoriam of Kurash Kusen Kuresh Sultan Kurash Kosen Uyghur Uighur East Turkistan

Küresh bilen ötken hayat

Qedirlik oqurmen dostlar, insanning hayati cheklik bolidu, emma hayat qedirlense uningdin tillarda dastan bolghidek cheksiz qimmet yaritilidu. Buningdin ikki yil awalqi 29 – Öktebir künide arimizdin xuddi tuyuqsiz saqighan yultuzdek ghayip bolghan merhum küresh küsen ependining shanliq hayati mana shundaq qedir – Qimmitini tapqan heqiqiy hayat idi.

Küresh bilen ötken hayat (1)
Muxbirimiz aygül yüsüp
2008-10-28

Qedirlik oqurmen dostlar, insanning hayati cheklik bolidu, emma hayat qedirlense uningdin tillarda dastan bolghidek cheksiz qimmet yaritilidu. Buningdin ikki yil awalqi 29 – Öktebir künide arimizdin xuddi tuyuqsiz saqighan yultuzdek ghayip bolghan merhum küresh küsen ependining shanliq hayati mana shundaq qedir – Qimmitini tapqan heqiqiy hayat idi.

Uning ölümi sherqiy türkistan küresh tarixigha bir boshluq qaldurup ketken,uni söygen, qedirligen kishilerning qelbini menggülük judaliqqa chömdürgen hesretlik bir ölüm idi. 1959 – Yili ürümchidiki ziyaliy ailiside tughulghan küresh kösen ependining hayat tarixi baliliq chaghliridin tartip taki wapat etküche hayat, ilim we weten azadliqi üchün izdinish,tirishish,toxtimay küresh qilish we netije yaritish bilen tolghan jenggiwar we mezmunluq hayat idi.

Merhum hayat chéghida weten ichide özining senettiki ajayip talanti bilen xelqimiz qelbidin chongqur orun élip nam chiqarghan bolsimu, lékin u özining senet sahesini weten üchün küresh qilishning jeng meydanigha aylandurup, uyghur xelqini her minut erkinlik üchün bolidighan küreshke teyyar bolushqa chaqiriq qilghan idi. U yawropagha siyasiy köchmen bolup kelgendin kéyinmu, özining wetenning hörlük we azadliqi üchün küresh qilish, erkinlikke érishish arzusini royapqa chiqirish üchün bir minutmu toxtap qalmighan idi. U ilgiri – Axiri bolup dunya uyghur yashliri qurultiyining muawin reisi we kéyin bash reisi, dunya uyghur qurultiyining bash teptishi, shiwétsiye uyghur komitétining reisi qatarliq wezipilerni öz üstige élip ishligendin bashqa, gherb shamili zhurnilini neshr qilish, hör uyghur radiosini anglitish, shiwétsiye uyghur komitétining tor biti we özining shexsi tor biti bolghan duttar tor bétini etrapidiki istédatliq yardemchiliri bilen hemkarliship yasash qatarliq türlük ilmiy we téxnikiliq xizmetlernimu wayigha yetküzüp orundighan idi.

Merhum küresh küsen ependi yene, dunya qelemkeshler jemiyitige eza bolup kirish üchün yillap izdinip,amérika,kanada qatarliq döletlergiche ziyarette bolup uyghur qelemkeshler jemiyiti uchun iqtisadi menbege érishish pursitini yaratqan bolsimu, epsuski merhumning ömri özi zor ejir qilip qolgha keltürgen emgek miwisini körüshke yar bermidi.

Merhum küresh küsen ependi shiwétsiyining eskulistuna shehiride yashawatqan mezgilide bir yaqtin weten dewasi élip barsa, yene bir tereptin özining yüksek pellige yetken kompozitorluq maharitini ishqa sélip barliq dolan,qumul muqamlirini yéngidin retlep notigha élish, qeshqer, atush, ili, turpan qatarliq jaylardiki uyghur xelq naxshilirini qaytidin éytip yéngidin ünge élish qatarliq xizmetlirini bashliwetken we buningdin 3 ün CD lintisining teyyarliq xizmitini püttürgen idi.

Uning 12 tomluq uyghur naxsha – Muzika qamusi teyyarlap shiwétsiye döletlik moziyigha teqdim qilishtek zor pilani bar idi. Uning yene shiwétsiye döletlik orkéstiri bilen birliship orundighan sherqiy turkistan istiqlal marshi dewir bölgüch ehmiyetke ige bolup, biz üchün eng zor muzika bayliqi süpitide miras bolup qaldi. Merhum ömrining axirqi yillirida shiwétsiye döletlik naxsha – Usul ömiki teripidin muqim xizmetchilikke teklip qilinghan bolup, uninggha uyghur muzika tetqiqati üchün yéterlik shert ‏ – Sharait yaritip bérilgen we zor diqqet étibargha érishken idi.

Xuddi küresh küsen ependi hayat chéghida éytqinidek, küresh ölmeydu! u taki sherqiy türkistanning asminida ay – Yultuzluq kök bayraq jewlan qilghangha qeder, her bir uyghurning qelbini küresh marshi bilen oyghitip turidu!

Yuqiridiki awaz ulinishidin, küresh küsen ependining hazir shiwétsiyide yashawatqan singlisi munewwer xanim bilen bolghan téléfon ziyaritimizni köpchilikke sunimiz.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Küresh bilen ötken hayat (2)

Muxbirimiz aygül yüsüp
2008-10-29

Uyghur xelqining ot yurek qeyser oghlani küresh küsen ependining ölüm xewiri tuyuqsiz yitip kelgende”küresh ölmeydu, küresh ölmidi” dégen bir jümle sözge xelq özini ishendürüshke tirishti, epsuski ejelning rehimsiz qara hijrani axirqi hésabta hemmini ishendurdi.

Küresh ependi bilen hayatning barliq issiq – Soghuqlirida bille yashighan, sepdash bolghan, naxshilirini söyüp anglighan tughqanliri, yéqinliri, dostliri, tonush – Bilishliri éghir qayghugha chömdi. Tuyuqsiz kelgen shum xewerdin ganggirashti, issiq küz yashlar chanaqlardin étildi. Qeliblerni achchiq, judaliq tuyghular qaplap aldi. Cheksiz arzu – Armanlirini özi bilen élip ketken bu uyghur oghlanining ölümidin kéyin xelq shundaq bir nersini yeni az yashisangmu xelqing üchün töhpe qaldurup ket, öchmes namingni qaldurup ket dégen bir heqiqetni yene bir qétim chüshendi.

Gerche, hazir merhum küresh küsen ependining arimizdin ayrilghinigha ikki yil bolghan bolsimu, uning xelqimizge miras qaldurup ketken jenggiwar, yangraq, menilerge liq tolghan küy – Neghmiliri xuddi ilgirikige oxshashla uyghur asminida yangrap, uyghur xelqighe ümid,ishench we jasaret bexsh étip kelmekte.

Merhum küresh küsen ependining wapatining ikki yilliqi toshqan bügünkidek qayghuluq künde barliq tuyghulirimizgha ortaqlishish üchün dunya uyghur qurultiyining reisi,uyghurlarning milliy rehbiri rabiye qadir xanimni ziyaret qilghinimizda, u özining küresh küsen ependi heqqidiki qayghusi we yürek sözlirini ipadilidi. Küresh küsen ependining yarqin ijadiyetliridin biri bolghan rabiye qadir namliq naxsha toghrisida rabiye qadir xanim öz tesiratliri heqqide toxtaldi.

Axirida rabiye qadir xanim yene, merhumning arzu – Armanliri we hayatigha bolghan cheksiz hörmiti we qelb arzusini ipadilep ötti.

Merhum küresh küsen ependining qisqa, emma ehmiyetlik ötküzgen qimmetlik hayati uyghur qelbide her daim cholpandek parlap, uning armanlirini ishqa ashuridighan minglap küreshjanlar iz bésip kelgüsi!

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Leave a Reply

You must be logged in to post a comment.