Kuresh Olmeydu

In memoriam of Kurash Kusen Kuresh Sultan Kurash Kosen Uyghur Uighur East Turkistan

Köresh Ölmeydu

Merhum Kurash Küsen ependining bizdin ayrilghinigha top – toghra 3 yil boptu.  Gerche u bizdin ayrilghan bolsimu, uning jarangliq hem chongqur menaliq naxshiliri bu uch yil jeryanida manga hemrah bolup, ilham bérip keldi.

Kurash Küsen alemdin ötkendin kéyin uning bizge qaldurup ketken mirasliridin biri bolghan dutar.com ni merhum üchün dawamlashturushni oylighan bolsammu, biraq munasiwetlik uchurlar bolmighachqa uninggha warisliq qilalmay qaldim we dawamlashturushmu mumkin bolmidi. Shu sewepler bilen, merhum üchün bir tor bet yasap, uning ish izliri, resimliri we naxsha-muzikilirini bir yerge yighip, merhumning rohigha atash nechche yildin beri qelbimde niyet qilghan muhim ishlardin biri qatarida bolup kelgen idi. Xudaning kuch ata qilishi bilen bu ishmu deslepki qedemde keng qérindashlar bilen yüz körüshti.

Merhum hayat waqtida biz pat-pat alaqiliship, parangliship turattuq. U 2005 – yili Amérikigha kelgen waqtida özining qattiq diskisidiki (hard disk) bir qisim matériyallirini manga qaldurup saqlap qoyushumni sorighan idi. Bu tor bet ene shu matériyallar asasida bashlandi. Bu torda ishlitilgen xéli köp matériyallar  Internet Arxipi (Wayback Machine) arqiliq, esli dutar.com da quyulghan  matériyallardin élindi. Bolupmu merhumning shéirliri we bir qisim resimliri, albumlirining tizimliki we uningdiki naxshilar shu yerdin élindi. Bu jeryanda esli Kona Yéziqta yézilghan shu matériyallar UyghurEditning yaridimi bilen ULY gha aylandurulup, bu torgha qoyuldi. Shu munasiwet bilen UyghurEdit ning igisi Gheyret Toxti Kenji ependige köp rexmet éytimen. U programmisiz, shu shéirlarni we téxtlerni bir-mu bir qayta yézip chiqqan bolar dim.

Bu peqetla bir bashlinish, merhumning bizge qaldurup ketken mirasliri ichidiki tamchilardin biri. Ishinimenki merhumning ish-izliri we u heqqidiki matériyallar qérindashlarning yaridimi bilen toluqlanghusi.
Eegr sizde merhumgha munasiwetlik matériyallar (text, resim, video, naxsha-muzika we bashqilar) bolsa manga ewetip bersingiz, bu tor betke toluqlinip qoyulidu. Xalisingiz ismingiz bilen élan qilinidu.

Bu tor bet téxi yasilish basquchida. Bezi téxnikilik mesililer téxiche mewjut (mesilen kona arxiplarni biwaste körelmeslik dégendek). Bu mesile yéqinda hel qilinidu.

Alaqilishish adrisi: info @ kurashsultan.com

Qérindashlargha rexmet

Isyan

2009-10-29